جديد المنتدى


العودة   منتديات المقرن السودانية > قسم الترفيه > منتدي الغناء والموسيقي > كلمات الاغانى
اسم العضو
كلمة المرور
كلمات الاغانى خاص بأشعار الاغاني .
أهلا وسهلا بك إلى منتديات المقرن السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا

 
 
أدوات الموضوع إبحث في الموضوع انواع عرض الموضوع
#1  
قديم 08-18-2009
مسمارين نااار.. والغلب حااار جوه الدار
مطرود
الحازمي غير متواجد حالياً
لوني المفضل #4B7BC9
 رقم العضوية : 17001
 تاريخ التسجيل : Jan 2009
 فترة الأقامة : 2117 يوم
 أخر زيارة : 11-13-2010 (01:21 PM)
 المشاركات : 6,371 [ + ]
 التقييم : 202
 معدل التقييم : الحازمي has a spectacular aura aboutالحازمي has a spectacular aura aboutالحازمي has a spectacular aura about
بيانات اضافيه [ + ]
06 كلمات الأغانى للفنان الرائع أبو عركى البخيت





ذلك الفنان الرائع الخالد الأستاذ أبو عركى البخيت جاء صوته من داخل النيل ليدخل نفوسنا فهو صاحب الكلماته الجميلة والأداء المتفرد والصوت القوى الذى يسري عبرأوصالنا كسريان الدم فى الجسد
فإليكم بعض من كلمات أغانيه ونتمنى أن تنال إعجابكم
وباكر أجمل

(1)
واااحشنــــي

واحشنى يا الخليت ملامحك فى حياتى
واحشنى ياالرسيت مراسيك جوة ذاتى
إلا باكر لما ترجع أنا بحكى ليك عن الحصل
وعن بعد المسافة وقربها
ولمن يفارق زول عيون غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وإنت لما بتسيبنى وتسافر
خت فى إعتبارك إنو دنياى فى مدارك
وجد لفافات الصبر دخنتها
وكل المقاطع فى غناى طوعتها
وغريبة غنت فرحة ... لا ... لا
غربة ..لا....لا
تقصد شنو ما عرفتها
وأهى تجربة …..
خطيرة – جد – وأجتزتها
ولسة واحشنى
ــــــــــــــــــــــــــــــــــــــــــــــــــ ـــــــــــــــــــــ
(2)
أمـــونة

كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبيرفي الليل
أعاين في البحرمهموم
ألاقي وجيها شاقي النيل
وفي ساعة التعب والخوف
تشيل خطواتي وأمشي عديل
دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور
تمد إيدينا تمسح في العصب والراس
أمانه كلاما كان رفرف
وكت ساعة الدرس ياخوي
يطير قلمي ويزغرد سنـّو في الكراس
ــــــــــــــــــــــــــــــــــــــــــــــــــ ــــــــــــــــ
(3)
لوكنت ناكر للهوي

لو كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم أترجي فيك
ورينى كيف أغفر وإنت شقاى سببته بيديك
حاولت أخدع نفسي يا ظالم وأهجر حبى ليك
حاولت أمنع نفسى منك وتانى ما أمشى وأجيك
ورحلت عنك وعن ديارى وهدمت كل أمل لديك
وبرضى ماقادر لما أسيبك لما أنساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة وأشقى لما تهاتى بيك
ورينى كيف أغفر وإنت هدمت كل آمالى فيك
ما كنت قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك أجيبو
إنت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو
ــــــــــــــــــــــــــــــــــــــــــــــــــ ــــــــــــ
(4)
يــــــا قلب

يا قلب أنا كنت قايلك تبت من تعب السفر
ومن مخاواة القماري ومن شراب موية المطر
تاريك كامن ليا بشيتا كتر
تاريك لابد ليا بشيتا كتر
ما زمان أنا وإنت لفينا المواني
بالقطارات والمطارات والسفن
ودقينا أجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
يا قليب مالك عليا
ما إنت عارف نقطة الضعف القديمة
وزيي ضايق الإرتعاش
يا قليب ياما سرحنا
مرة جينا وألف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا أجن
وإنحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة
ــــــــــــــــــــــــــــــــــــــــــــــــــ
(5)
الجميل السااادة

الجميل السادة
وضاح المحيا
إلتفت يوم شفتو
ماقبلان تحية
من دلالو ولا مالو
خلا نيران قلبى حيه
إبتسامة الزول بتنبع من شعورو
كيف تزعل لو تعبر عن سرورو
والبقابلك بيتسم ليك من ضميرو
لو سمحت تجاملو بمجرد تحية
كان أملى تفرحنى منك إبتسامة
وإبتسامتك حلوة بتزيدك وسامة
العيون تتلاقى ويتم إنسجامها
وكل واحد بيحلم بلحظات هنيه
ــــــــــــــــــــــــــــــــــــــــــــــــــ ـ
(6)
تعالو نغني

تعااالوا نغنى غنى الايااام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناااء شعبى
والفى امدرمااان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئناااان هد الانسان
تعالوا نقعد نحسب خطونا
من ما اخدنااا الاستقلال
لحدى الآن..
اتقدمنااا ولا اتأخرنااا
اتأخرنا ولااا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاااتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنااا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيااا عجول..
يا حكامنااا الدنيا عجول
ياساستنااا الدنيا عجول
يا جنرالتنااا الدنيا عجول
يا ساااداتنا الدنيا عجول
ــــــــــــــــــــــــــــــــــــــــــــــــــ ــــــــــــــــــــ
(7)
جسمي إنتحل

جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاااسبب الألم
اعطف علي وارحم عيني..
قالوا الشفادونك عدم
شوف الدموع ماليااات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيااا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاااش حيااااتو مع الحزن
ضمد جراحو ومره سيبو
ينساها ويــــلااات الشجن
ــــــــــــــــــــــــــــــــــــــــــــــــــ ــــــ
(8)
ست التوب

شفت التوب و مااا لاقاني أجمل منو
بس التوب ... شوفو التوب
وسيد التوب يكون كيفنّو
نظرة سريعة مريت بيها ما أتمتعت
خطوة وحيدة بيني و بينها لو أسرعت
خلت طيبها مالي الساااحة
زيها مااافي لا شاهدت لاني سمعت
من جاااراتها قادلة حلاتها
دخلت بيتها سرت حداها
داير ألقاااها تب ما لقيتها
حتي الحنة ديك مااا نسيتها
قادت ناري لو تطفيهااا ليّ يا ريتها
أستنيت و قلت أظن ترجع تاني
يمكن أشوفها
,أصلو الزول حياتو أماااني
نظرة بريئة
مهمااا نااابني ما هماااني
لو ألقاااها يرتاح بااالي و يصبح هاني
ــــــــــــــــــــــــــــــــــــــــــــــــــ ـــــ
(9)
معاك ببقي الزمن حاضر

معاك ببقى الزمان حاضر
بجي العالم قريب مني و يكون أجمل
بعيد منك بموت صوتي
و يغيب فرح الزمن يكمل
هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول
هواك لاقى الوطن جواي
رجع صوت الحواري يحوم
بقى الزمن الجديد أخضر
و رنت ضحكة الخرطوم
نعس جرحي القديم و ارتاح
عرف رمش الليالي النوم
و غسل نبعك ملح دمعي
و انزاح الظلام مهزوم
معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
و أصبح يقيني معاك
هوى و إلفة و جمال فكرة
معاك يبقى الزمان حاضر
أحبك
أحبك
تدي لعمري الأمان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك






قديم 08-20-2009   #2
مطرود
مسمارين نااار.. والغلب حااار جوه الدار


الحازمي غير متواجد حالياً

بيانات اضافيه [ + ]
 رقم العضوية : 17001
 تاريخ التسجيل :  Jan 2009
 أخر زيارة : 11-13-2010 (01:21 PM)
 المشاركات : 6,371 [ + ]
 التقييم :  202
لوني المفضل : #4B7BC9
افتراضي



مشكوووووووووووووووووووووورين علي المرور الصامت
وباكر اجمل


 

قديم 11-06-2009   #3
مطرود


نورالكون غير متواجد حالياً

بيانات اضافيه [ + ]
 رقم العضوية : 28441
 تاريخ التسجيل :  Oct 2009
 أخر زيارة : 05-30-2010 (05:00 PM)
 المشاركات : 555 [ + ]
 التقييم :  79
لوني المفضل : #4B7BC9
افتراضي



url=http://www.viafy.com][/url]


 

قديم 11-07-2009   #4
مطرود
مسمارين نااار.. والغلب حااار جوه الدار


الحازمي غير متواجد حالياً

بيانات اضافيه [ + ]
 رقم العضوية : 17001
 تاريخ التسجيل :  Jan 2009
 أخر زيارة : 11-13-2010 (01:21 PM)
 المشاركات : 6,371 [ + ]
 التقييم :  202
لوني المفضل : #4B7BC9
افتراضي



اقتباس:
المشاركة الأصلية كتبت بواسطة نورالكون مشاهدة المشاركة
url=http://www.viafy.com][/url]
تسلم يا رائع
وباكر اجمل


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كلمات فوق المعاني عسلنا المنتدي العام 3 03-18-2009 11:27 AM


الساعة الآن 09:00 AM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
صفحة جديدة 1

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

قوانين منتديات المقرن