جديد المنتدى


العودة   منتديات المقرن السودانية > قسم الترفيه > منتدي الغناء والموسيقي > كلمات الاغانى
اسم العضو
كلمة المرور
كلمات الاغانى خاص بأشعار الاغاني .
أهلا وسهلا بك إلى منتديات المقرن السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا

 
 
أدوات الموضوع إبحث في الموضوع انواع عرض الموضوع
#1  
قديم 10-19-2007
شريك مميز
قرن شطه غير متواجد حالياً
لوني المفضل #4B7BC9
 رقم العضوية : 317
 تاريخ التسجيل : Feb 2007
 فترة الأقامة : 2786 يوم
 أخر زيارة : 01-21-2010 (06:26 PM)
 المشاركات : 107 [ + ]
 التقييم : 10
 معدل التقييم : قرن شطه is on a distinguished road
بيانات اضافيه [ + ]
افتراضي كلمات اغاني عقد الجــــــــــــــــلاد





حاجة آمنة أصبرى


عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى
سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى
مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه
وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى
بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى .



 توقيع : قرن شطه

لـــــــــــــو
ما كنـــــت
مريخابــي
مـــــــــــا
ظنيتــــــو
ينعــــــدل
حـــــــــال

قديم 10-19-2007   #2
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي





امونة

كلمات / محمد طه القدال
الحان / عثمان النو



ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى
يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني
سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية


 

قديم 10-19-2007   #3
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي






شين ودشن

الشاعر / صلاح احمد ابراهيم
الحان / حمزة سليمان


شين ودشن
حر سيافى شين
شين ودشن
كلمة مافى شين
وهظاروا خشن
بسموم وسوافى
تسال شن الحبة الفيهو
الحب في زاتو مبرر كافي
ماشين ودشن
حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى


 

قديم 10-19-2007   #4
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي





اولاد المــدارس

الشاعر / فيصل محمد صالح
الحان / عثمان النو



يــلا يـا اولاد المــدارس
فـي ربى السودان وسهله
يلا شخبطو في الكراريس
اكتبوا الواجب وحلوا
دينق زايد محمد احمد
فاس وطورية وزراعة
فاطمة زايد ميري ببقوا
غنوه نيلية بشراعه
وردتين على يامبيو
ووردة تالتة على رفاعة
يي بلدنا وكلنا اخوان
سوداني بلدنا يي
حرب زايد بندقية
يختفوا اللقمة الهنية
من أصابع طفل جائع
أمو حزنانة وشقية
حرب بتضيع ولادنا
يلا يا اولاد المدارس
هاتو من القلب غنية
للخضار والازدهار
للسلام والتنمية
للعصافير المهاجرة
تبني عشها مرة تانية


 

قديم 10-19-2007   #5
شريك مبدع


الصورة الرمزية 7mada
7mada غير متواجد حالياً

بيانات اضافيه [ + ]
 رقم العضوية : 773
 تاريخ التسجيل :  Mar 2007
 أخر زيارة : 03-07-2013 (02:39 PM)
 المشاركات : 2,413 [ + ]
 التقييم :  56
لوني المفضل : #4B7BC9
افتراضي



رووووعة يا سوداني

وبالجد عقد الجلاد من اكتر الفرق الراقية في السودان


وربضو حابي اشارك معاك كلمات اغنية


كل الخير



لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول


 
 توقيع : 7mada



قديم 10-19-2007   #6
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي





صوت الإستحاله


كلمات: جمال عبدالرحيم
ألحان: حمزة سليمان



المناظر هي زاتا
الصور نفس المشاهد
الشوارع والبيوت
الأماكن والمقاعد
والزمان ثابت مكانو
والرقم اللسة واحد
وحشة الليل البهيم
ولمة الناس الحزانى
غصة الشوق القديم
بدموعا وبحنانا
وقصة الولد اليتيم
ونفس صوت الاسطوانة
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت


 

قديم 10-19-2007   #7
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي



اقتباس:
رووووعة يا سوداني

وبالجد عقد الجلاد من اكتر الفرق الراقية في السودان


وربضو حابي اشارك معاك كلمات اغنية

حماده تسلم علي الزوق الرقي
وتشاركني ليه ما تشاركني متسودنين وكدا


 

قديم 10-19-2007   #8
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي





عطبره

اشعار : جمال عبد الرحيم
الحان : طارق جويلي


من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة


 

قديم 10-19-2007   #9
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي






مشاوير المحبة

كلمات : عماد الدين ابراهيم
الحان : الاستاذ النو


يا مشاوير المحبة
الكلمة تقلت
والخطيــوات الندية
الغيمة الشالت...دمعة مرة
غــرَ قت أناتا أرواحنا الوفية
الصدق أصبح في عيون الناس مظنة
الصدف أصبح فينا كلمات هامشية
والحقيقة بقت مخافة وانزوت في عمق أعماقنا الخفية
يا مشاوير ضيعيني
جدِدي الذاد للمشاوير الشقية
توهي النور بدِديهو
خلي إظلامك يغيب
كل لحظة فرحة فيا
بكي إحساسي الحنـيِــن
فتِريـني و دردِريـــني
وأصلي ليك أنا ماني هيِــن
كل نهاية تكون بداية
كل وجعة تفرهد الإحساس جوايا
وابقى عايش للعُوينات الوفية
وابدا عايش عمري للصادقيـــن هدية


 

قديم 10-19-2007   #10
شريك مميز


الصورة الرمزية قرن شطه
قرن شطه غير متواجد حالياً

بيانات اضافيه [ + ]
 رقم العضوية : 317
 تاريخ التسجيل :  Feb 2007
 أخر زيارة : 01-21-2010 (06:26 PM)
 المشاركات : 107 [ + ]
 التقييم :  10
لوني المفضل : #4B7BC9
افتراضي





ساجور

كلمات : جمال حسن سعيد
الحان : طارق جويلى

ساجور ما انفكّ
فى رحم الغيب ما انفكّ
ما باح الغيم بي سر الضيم
والناس نضيم فى الفارغة
ساجور ما انفكّ
سؤال فى القمر الخنق فى الحلة
ما اندق صفيح
ما انشدّ بليلة
بليلة وفال
ما اتغنى مديح
وما فكّ ضفايرك للريح
والناس بتصيح فى الفارغة


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:05 AM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
صفحة جديدة 1

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

قوانين منتديات المقرن