الملاحظات


منتدي الضحك والفكاهة إبتسم فأنت في المقرن .

 
 
أدوات الموضوع إبحث في الموضوع انواع عرض الموضوع
قديم 11-19-2007   #1
مشرف سابق
 
رقم العضوية : 821
تاريخ التسجيل : Mar 2007
مكان الإقامة :
عدد المشاركات : 1,064
عدد النقاط : 10
قوة التقييم : ابو العز is on a distinguished road
جهات الاتصال :

ابو العز غير متواجد حالياً


أوسمة العضو
لاتوجد أوسمة لـ
">
افتراضي نكات ابو داود وعوض دكام


عوض دكام + ابد داؤد من اشهر الشخصيات السودانية .. رحمهم الله

دكام كان مدير مستشفى الاسنان وشالوه من المنصب .. وجابو مدير جديد
واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد )0
**************

قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر
*****************************
قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟
***************************


قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
*************

مرة عوض دكام جاء داخل العيادة بتاعته لقى في كشف المرضى
اسم فتحي فرج الله لاعب المريخ زمان ... وبعدين ما كان شافو قبل كدا
طبعا فتحي فرج الله عيونو في نص راسو ) .المهم دكام عاوز يشوفو قام ناداهو أول واحد)
لما دخل عليه ، دكام اتخلع بي شناته ، كان متخيله نجم وجيه
قال ليهو انت فتحي؟ قال ليهو أيوة أنا فتحي
دكام رد بسرعة طيب فرج الله يكون كيف ؟؟؟
******************
ابوداؤد كان بغنى فى حفلة والصف الاول كان
كلو جكس حجم عائلىكلو واحدة اسمن من التانية
وبعد الاغنية الاولى قام الجماعة كوركو ليهو
بالله يا استاز فريع البان ...قام عاين ليهم وعاين
للصف الاول...وقال ليهم فريع البان كيف مع
شجر التبلدى بتاعكم دة

****************
عوض دكام قال فى واحد

مشى يقلع ضرسو فى مصر

الدكاترة قالوا ليه يا زول

ما عندكم دكاترة اسنان فى السودان

السودانى قال ليه فى دكاترة

بس الحكومة مانعانا نفتح خشمنا

***********************

عوض دكام قال جاتو واحدة

جميلة جميلة جميلة

قدر ما فتشها لا سوسة ولا صفار

ولا الم ولا التهاب لثة

قال ليها انتى ما عندك حاجة

مشكلتك شنو؟؟؟

قالت ليه عارفة بس جيتك تعمل لى فلجة

***********************
مره عوض دكام كان واقف في محطه البنزين
ومعهو زوجتو في العربيه الكل كان يعاين ومزهول بالجمال واللون الابيض اللامع دا
عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا
**************
عوض دكام قبضوه ناس الدورية

وما بعرفوه

يا زول شايل شنو فى الضهرية؟؟؟

قال ليهم جنا حرام

يا زول نحن ما بنهظر

فتحو الضهرية لقو بيض

قالوا ليه انت بتلعب علينا؟؟؟

شايل جن جداد تقول جن حرام

قال ليهم وده ما جن حرام

شفتو ليكم ديك عقد ليه على جدادة؟؟
*****************

قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون

انتى يا اخوانا عرسكم ده خبر ولا شنو
*********************

ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب

قالو ليهو تعال يا عبد العزيز شوف المراره دى

قال لا ما عايز، انا مستنى الكمينة ديك تطلع
*******************
عوض دكام بقدم فى قعدة فيها على ابراهيم و زيدان ابراهيم اول ما بدأ على ابراهيم غنى تمساح اب كبلو الضارب الليه ،،، عوض دكام نطى لى طوالى قال ليهو التمساح الابلعك حسى دا وكت تماسيح زيدان عليك الله وسط الزهور متصور
************
قال ليك عوض دكام كان فى فراش بكا
وكان يوم رفع الفراش وعوض دكام مشى عشان يدفع فى الكشف

واحد من اصحابو قال ليهو انت يا عوض مفروض تدفع بالدولار
عوض دكام قال ليهو لية فارشين فى السوق الحر
*****************

في عيادته في بحري وهو يعالج احد المرضى
..وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
...خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا

انتو عاوزين الجد ولا ابن عمو؟
انا من ما فتحت العيادة دي ما شفت واحد كتلو ضرس
امشو وتعالو بكره
وما في زول بيكتلو ضرس
***********

في مرة سايق العربية بتاعتو
وقف في اشارة
اتلفت يمينو لقى
حامد بريمة
حارس المريخ السابق
سايق لفت باك حمراء جديدة
ضرب ليهو العربية بيده
وقالليهو

ياعب لو ما كورتك دي
والطب بتاعي ده

كان مكاوينا تتطاقش
****************
بمناسبة حامد بريمه
قالوا الزعيم فيلب عباس غبوش كان عندوا ندوه فى العشش

قام قال للجماعه ... اولاد ارب ديل هقارين شديد
كل شئ يشيلوه هم ويدونا شئ تعبان
حتى فى كوره دى مصطفى النقر يودو لى قدام وحامد بريمه
يخلوه اخر واهد فى الفريق

شوف ليك هقاره
***************

ومن الطرائف التى يحكيها عبد العزيز محمد داؤود عن زوجته
الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين..
و فى وقت اخر:عبد العزيز ماشى وين؟..
هو عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالىانتى يا فوزية انا مؤجر منك عجلة!!!!!؟؟؟
*****************
في واحد مجنن أبو داؤود
كل ما يشوفو في حفلة أو قعدة
يقول ليهو يا أبو داؤود عليك الله
زهرة الروض .. الأغنية دي بترجعني
!!! عشرين سنة لي ورا
أبو داؤود زهج من الزول ده
يوم قال ليهو ياخي زهجتني ، أسمع إنت عمرك كم سنة ؟؟
أخونا قال أربعين سنة
أبوداؤود قال ليهو خلاص أنا بغنيها ليك مرتين
!!! عشان ترجع في بطن أمك ونرتاح منك ياخي
*************
كان فى فنان اعمى وعامل عملية بواسير
قام ابوداود مشى ليه زيارة فى المستشفى
وبعد السلامات والتهانى بالسلامة
قعد يتونس مع باقى الناس الجايين للزيارة
قام فجاة كده ابو داوود سكت مسافة طويلة وباقى الناس بقوا يتونسوا
قام الراجل العيان سمع صوت الناس بس وقايل ابوداوود مشى ولا طلع من الاوضة
قام قال ليهم انتوا العب ده مشى ولا شنو
ابو داوود رد ليه
انت علشان حركاتك دى الله قاطع منك موية ونور
**********************
في لقاء في التلفزيون مع ابو داؤود و فى فقره الاسئله الخفيفة
سأل مقدم البرنامج الفنان عبد العزيز داؤود عن اسامي بعض المشاهير
يعني لو ما كانو وصلو لي الوصلو ليهوالان كان حيطلعوا شنو .
قام المقدم سالوا عن محمد الامين , ابو داود قال ليهو شايل كورتو و قاعد جنب الجامع الكبير
*********************

قالوا عوض دكام لمن كان فى الدفاع الشعبى جاكين فى الكلاكله
وعطشوا ... مروا بى شفع كده قام عوض دكام قال لى شافع جيب لينا
جك مويه ... الشافع جاب المويه وسال دكام
انت شغال ويني ياهناى ؟
دكام قال ليهو انا دكتور
الشافع عاين لى صاحبو وقال ليهو ….. العب عايز يدقس بينا يافرده
ياخوى اشرب مويتك دى وادينا جكنا
قال دكتور قال
**************

عوض دكام يوم جاتو واحدة من بنات اهله زعلانة وبتحكي ليه:
قالت ليه كنت راكبة عربيه مع واحد شغال فى الحكومة
نظام فضل ظهر وكدا اسموا يونس النباح الذى اشتهر بتقديم التعليق السياسى
بعد نشرة ثلاثة فى الاذاعة المهم الراجل دا سالنى رايك شنو فى حكومتنا
قلتو ليها سجم ورماد نبزنى ونزلنى من عربيتو،

فرد عليها عوض دكام ليطيب خاطرها هو نبز خادم الحرمين الشريفين خلي انتي يا خادم العباسية

--------------------------------------------------------------------------------


قالوا يوم ابو داؤود كان
شغال حفلة وانتهت متأخرة ناس العرس اصروا
عليهم يبيتوا في بيت العرس وفي الصباح
ابو داؤود بتسوك في الماسورة جات ماشة بي
جنبه مرة كبيرة في السن قالت ليهو إمبارح العب
ساهر بيكم يا ولدى.. قال ليها والله ياحاجة العتب على النظر
*****************************



أبو داؤود كان سايق عربيتو أشرت ليهو واحدة
متحنكشة دايرة تملح
وقف ليها وقام شغل شريط خاص بيهو أغنية نعيم
الدنيا وهي طبعاً
ما عارفة انها راكبة مع أبو داؤود في نص الأغنية سألها
بتعرفي الفنان
دا قالت ليهو فنان شنو دا حمار قال ليها قلت شنو قالت
ليهو قلت ليك
دا ما فنان دا عبارة عن حمار ياي ... أبو داؤود وقف العربية
ونزل مشى على الباب الراكبة جنبو فتحو
وقل ليها تنزلي والا أرفسك .



   
قديم 11-20-2007   #2
:: مشرفة سابقة ::
 
الصورة الرمزية نبع الوفاء
 
رقم العضوية : 498
تاريخ التسجيل : Mar 2007
مكان الإقامة :
عدد المشاركات : 3,495
عدد النقاط : 20
قوة التقييم : نبع الوفاء is on a distinguished road
جهات الاتصال :

نبع الوفاء غير متواجد حالياً


أوسمة العضو
لاتوجد أوسمة لـ
">
Talking



قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
*************

خخخخخخخ

شـــــــــــــــكلو كان ح يمووووت من الغيظ
بالغوا معاه لكن




تشكرااااات يا ابو العز


   
قديم 11-21-2007   #3
مشرف سابق
 
رقم العضوية : 821
تاريخ التسجيل : Mar 2007
مكان الإقامة :
عدد المشاركات : 1,064
عدد النقاط : 10
قوة التقييم : ابو العز is on a distinguished road
جهات الاتصال :

ابو العز غير متواجد حالياً


أوسمة العضو
لاتوجد أوسمة لـ
">
افتراضي


شكراً ليك نبع
على المرور
والطلة
ياوسيم الطلة


   
قديم 11-22-2007   #4
شريك مميز
 
الصورة الرمزية عباس الزاكيابي
 
رقم العضوية : 1285
تاريخ التسجيل : Aug 2007
مكان الإقامة :
عدد المشاركات : 136
عدد النقاط : 10
قوة التقييم : عباس الزاكيابي is on a distinguished road
جهات الاتصال :

عباس الزاكيابي غير متواجد حالياً


أوسمة العضو
لاتوجد أوسمة لـ
">
افتراضي


هاهاهاهاهاهاهاهاهاهاهاهاهاها
تصدق لما قريت بتاعة خادم العباسيه
كنت بضحك لما صاحبي جا وسألني
بتضحك براك مالك
حقيقه كلها رووووووعه
وأتحفنا بجديدك أخي


توقيع :

أمر علي الديار ديار ليلي
أقبل ذا الديار وذا الديار
وما حب الديار شغفن قلبي
ولكن حب من سكن الديار


   
قديم 11-22-2007   #5
مشرف سابق
 
رقم العضوية : 821
تاريخ التسجيل : Mar 2007
مكان الإقامة :
عدد المشاركات : 1,064
عدد النقاط : 10
قوة التقييم : ابو العز is on a distinguished road
جهات الاتصال :

ابو العز غير متواجد حالياً


أوسمة العضو
لاتوجد أوسمة لـ
">
افتراضي



المشاركة الأصلية كتبت بواسطة عباس الزاكيابي مشاهدة المشاركة

هاهاهاهاهاهاهاهاهاهاهاهاهاها
تصدق لما قريت بتاعة خادم العباسيه
كنت بضحك لما صاحبي جا وسألني
بتضحك براك مالك
حقيقه كلها رووووووعه
وأتحفنا بجديدك أخي
شكراً يا زيكو على الزيارة الجميلة والخفيفة وانشاء الله نزوركم في ساعة هنا وسرور و ما نجيكم في شينة


   
قديم 11-23-2007   #6
:: مشرف سابق ::
 
الصورة الرمزية obscure
 
رقم العضوية : 34
تاريخ التسجيل : Sep 2006
مكان الإقامة :
عدد المشاركات : 5,376
عدد النقاط : 42
قوة التقييم : obscure is on a distinguished road
جهات الاتصال : إرسال رسالة عبر MSN إلى obscure إرسال رسالة عبر Yahoo إلى obscure إرسال رسالة عبر Skype إلى obscure

obscure غير متواجد حالياً


أوسمة العضو
لاتوجد أوسمة لـ
">
افتراضي


قال تنزلي ولا أرفسك


والله غايته مبالغة يا أبو العز



وما قصرت كله كله


تحياتي


توقيع :

[align=center]
مــــــــــــوؤودًا يمــــــــــوت القلــــــــــــب لا بــــــــــاك ولا آسي


وأنفاسي يبخرها لهيب الشوق يحرق في جذور الصدر إحساسي




@#$%^&*مريخ العزة العظيم زعيم البلد*&^%$#@





[/align]


   
قديم 11-24-2007   #7
مشرف سابق
 
رقم العضوية : 821
تاريخ التسجيل : Mar 2007
مكان الإقامة :
عدد المشاركات : 1,064
عدد النقاط : 10
قوة التقييم : ابو العز is on a distinguished road
جهات الاتصال :

ابو العز غير متواجد حالياً


أوسمة العضو
لاتوجد أوسمة لـ
">
افتراضي


العزيز الغالي
الروعة دوماً obscure
شكراً على هذا التواجد المميز
تحياتي


   
قديم 01-31-2008   #8
شريك مبدع
 
الصورة الرمزية محمد صلاح الضو
 
رقم العضوية : 478
تاريخ التسجيل : Feb 2007
مكان الإقامة :
عدد المشاركات : 7,522
عدد النقاط : 60
قوة التقييم : محمد صلاح الضو will become famous soon enough
جهات الاتصال :

محمد صلاح الضو غير متواجد حالياً


أوسمة العضو
لاتوجد أوسمة لـ
">
افتراضي


مرة عوض دكام جاء داخل العيادة بتاعته لقى في كشف المرضى
اسم فتحي فرج الله لاعب المريخ زمان ... وبعدين ما كان شافو قبل كدا
طبعا فتحي فرج الله عيونو في نص راسو ) .المهم دكام عاوز يشوفو قام ناداهو أول واحد)
لما دخل عليه ، دكام اتخلع بي شناته ، كان متخيله نجم وجيه
قال ليهو انت فتحي؟ قال ليهو أيوة أنا فتحي
دكام رد بسرعة طيب فرج الله يكون كيف ؟؟؟


والله قطعتني لكن


توقيع :



هلالابي وافتخر والماعاجبو ينتحر


ان الزنا دين فان اقرضته كان الوفاء من اهل بيتك فاعلم
من يزن يزن به ولو بجداره ان كنت يا هذا لبيبا فافهم

سمحه وسمريه محبوبتي ولفتاتا غزاله


   
قديم 01-31-2008   #9
مشرف سابق
 
رقم العضوية : 821
تاريخ التسجيل : Mar 2007
مكان الإقامة :
عدد المشاركات : 1,064
عدد النقاط : 10
قوة التقييم : ابو العز is on a distinguished road
جهات الاتصال :

ابو العز غير متواجد حالياً


أوسمة العضو
لاتوجد أوسمة لـ
">
افتراضي


العزيز الرائع
الضو/ محمد صلاح
ليك وحشه يازول وييين انت؟

شكراً على هذه الطله البتحبب خلق الله
وابقى زورنا طوااااالي يا غالي


   
قديم 01-31-2008   #10
مشرف سابقاً
 
الصورة الرمزية الهاشمابي
 
رقم العضوية : 881
تاريخ التسجيل : Apr 2007
مكان الإقامة :
عدد المشاركات : 4,118
عدد النقاط : 10
قوة التقييم : الهاشمابي is on a distinguished road
جهات الاتصال :إرسال رسالة عبر ICQ إلى الهاشمابي إرسال رسالة عبر AIM إلى الهاشمابي إرسال رسالة عبر MSN إلى الهاشمابي إرسال رسالة عبر Yahoo إلى الهاشمابي

الهاشمابي غير متواجد حالياً


أوسمة العضو
لاتوجد أوسمة لـ
">
افتراضي


لالالالالالالا
مبالغة يا أستاذ ابو العز
انت عارف اني كنت بفتش على نكات عوض دكام لأني في أي جلسة دكاترة بسمع بيها
فشكرا شديد يا ابو العز على الخدمة دي


الهاشمابي...


توقيع :

https://www.facebook.com/PrinceMarketing

كتير بكون بعيد عن المنتدى ودي حاجة بتزعلني شديد بس مخير ما مسير ومرات مشاغل الدنيا بتلهيني فلو في أي تعليقات أو موضوع ماعجبكم ياريت تنبهوني برسالة أو تلفون في رقمي طوالي
0911414100


   
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


 

 المقرن: منتدى سوداني تم تأسيسه في العام 2005 كملتقى للتواصل والحوار الهادف
لكل السودانيين علي شبكة الانترنت للنقاش والتفاكر حول كافة القضايا والموضوعات التي تتعلق بالسودان



الساعة الآن 03:10 PM.


جميع الحقوق محفوظة - شبكة المقرن - 2005 - 2014

قوانين منتديات المقرن

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر منتديات المقرن

تطوير وإستضافة: هوسترتك لتقنية المعلومات